Evalyasyon

Sistèm ki tabli pou apresye travay fonksyonè yo.

Pou rann fonksyon piblik la pèfòman, gen yon sistèm evalyasyon ki tabli pou apresye konpetans ak aptitid fonksyonè yo chak ane. Sa pèmèt yo wè bezwen yo genyen nan domèn fòmasyon, sa ede yo idantifye fonksyonè ki merite avansman.

Men tou apre 3 lane avalyasyon an negatif, yo ka reklase ou lisansye fonksyonè konsène yo.

Pou evalyasyon sa posib, fòk gen kritè ki etabli davans, sa vle di objektif presi parapò ak travay fonkyonè yo e k ap sèvi kòm baz pou evalyasyon sa. Alò sa klè, tout antite nan administrasyon an dwe gen objektif yo fikse pou ane ak plan daksyon ki sèvi kòm enstriman reyalizasyon, evalyasyon ak swivi pou chak inite, chak sèvis.

Fonksyon piblik la dwe sispann woutin lan, dwe gen objektif defini pou chak antite ak sèvis, sa ap pèmèt yo evalye fonksyonè yo pi fasil.