Fanm fonksyonè

Yon nimewo espesyal pou selebre Jounen entènasyonal Fanm yo.

Ce thème est associé au thème prioritaire de la 67e session de la Commission de la condition de la femme (CSW-67)  , à savoir « L’innovation, le changement technologique et l’éducation à l’ère du numérique pour réaliser l’égalité des sexes et autonomiser toutes les femmes et les filles ».

Nan okazyon jounen mondyal lit pou dwa fanm yo, Alo Fonksyonè vle rann omaj ak tout fonksyonè fanm san distenksyon ki mete konesans ak konpetans yo osèvis administrasyon piblik la.

Nan ane 96 te gen plis ke 40% fanm nan fonksyon piblik la, pousantaj sa redwi a mwens ke 33% selon yon rapò resansman OMRH soti ak soutyen ENA ak BID. Gen mwens ke 16% pami medam ki fonksyonè yo ki rive okipe yon anplwa kategori A, sa vle di ki ap reyalize travay konsepsyon, analiz, sentèz, kowòdinasyon ak direksyon.

Chif sa yo montre aklè dwe gen yon politik pou rann fonksyon piblik la pi aksesib e atreyan pou medam yo nan tout nivo. Alo Fonksyonè kwè nan mete aksan sou merit kòm mekanis ki ka garanti dwa aksè medam yo nan fonksyon piblik la. Sa ap fèt pa mwayen òganizasyon rekritman regilye sou baz konkou kote tout moun gen aksè ak òf anplwa yo pa mwayen medya yo epi gen menm opòtinite patisipe ak menm chans pou yo reyisi. Eksepte “Ministè kondisyon feminin ak dwa fanm” pousantaj fanm k ap travay nan ministè yo ak òganis piblik yo pa ekilibre ditou.

Alo Fonsyonè swete ke gen konkou ki òganize regilyèman pou bay aksè a fonksyon piblik la e kandidati medam yo dwe ankouraje.

pdf sigles graphes

Document à consulter  :

Rapport sur les effectifs de la fonction publique en Haïti (2018), CAP / OMRH

OMRH : Office de management et des ressources humaines
ENA : Ecole nationale d'administration
BID : Banque interaméricaine de développement