Fèt fonksyonè yo
Posté le 23 juin 2023 • 2 min de lecture • 327 motsYon nimewo espesyal pou selebre Jounen entènasyonal Fonksyonè yo
La Journée des Nations Unies pour la fonction publique, proclamée en 2003 par l’Assemblée générale des Nations Unies dans sa résolution A/RES/57/277 , met en valeur le rôle de l’administration publique pour le développement et auprès des communautés.
Nan okazyon jounen mondyal fonksyonè yo, Alo Fonksyonè ap voye yo gwo kout chapo pou tout ajan piblik alawonnbadè ak tout fonksyonè an patikilye. San fonksyonè pa gen fonksyon piblik, san fonksyon piblik pa gen administrasyon piblik. San administrasyon piblik pa gen politik piblik, san politik piblik pa gen aksyon gouvènmantal, brèf! pa gen Leta san fonksyonè.
Malgre kontèks ensekirite ki gen nan kat kwen peyi a, fonksyonè yo demontre espri sakrifis ak sèvis. Anpil nan yo travèse 77 kafou malè pou rive nan travay, sak pase nan raje ak nan mòn, lòt ki pase anba boulèt kanno bazouka. Fonksyonè ki demenaje akoz zòn yo gate e ki oblije redemenaje akoz nouvo zòn gate. Yo toujou jwenn yon mwayen pou yo kontinye sèvi enterè jeneral la.
Fonksyon piblik la se yon metye, yon karyè. Fonksyon piblik Peyi Dayiti gen anviwon 8 fonksyonè pou chak mil abitan sa ki pa sifizan parapò ak tay popilasyon an. Annatandan administrasyon piblik la modènize, annatandan fonksyon piblik la renove pou I vin efikas, konpetitif, yon espas kote egalite chans respekte, kote merit ak ekselans prime, kote prensip etik valorize, fonksyonè ak ajan piblik, ann kontinye sèvi Leta ak dilijans e ak kè.
Chapo ba!
Alo Fonsyonè swete ke gen konkou ki òganize regilyèman pou bay aksè a fonksyon piblik la e kandidati medam yo dwe ankouraje.
Rapport sur les effectifs de la fonction publique en Haïti (2018), CAP / OMRH