Konje maladi (manch long)
Posté le 12 octobre 2022 • 2 min de lecture • 263 motsDwa konje manch long
Yo akòde konje manch long nan a yon fonksyonè ki poko refè apre peryòd konje maladi a e ki gen yon enkapasite tanporè. Li pa dire plis ke 2 zan. Fonksyonè a ap resevwa:
- Soti 1 a 5 ane sèvis: yon ka (1/4) nan salè li ;
- 6 a 14 ane sèvis: mwatye (1/2) nan salè li ;
- Apati 15yèm ane sèvis: de tyè (2/3) salè li
- E si se yon aksidan travay ki lakoz enkapasite a l ap resevwa tout salè li.
Lè konje long dire an fini, si sèvis konpetan yo konstate enkapasite pèmanan fonksyonè a, li ka mande pansyon avan lè. Si enkapasite a rive apati 1 a 5 ane sèvis, l ap jwenn yon ka (1/4) nan pansyon nòmal li. Soti 5 pou rive 15 ane, l ap resevwa mwatye (1/2) pansyon an. Apati 20tyèm ane sèvis, l ap resevwa tout pansyon l. Si se yon aksidan nan kad travay li ki lakoz enkapasite pèmanan an, l ap resevwa salè l jiska laj pou l pran pansyon.
Fonksyon piblik la òganize yon fason pou akonpanye Fonksyonè a nan peryòd maladi li oubyen aksidan nan kad travay. Se pou sa mezi pou akòde konje long dire a egziste nan ka kote konje maladi anyèl la pa ta sifi pou fonksyonè a retabli.
E menm aprè 2 zan konje manch long lan, gen mezi pou kontinye akonpanye fonksyonè ki gen yon enkapasite pèmanan ki fè l pap ka rekomanse travay, sa gen ladan retrèt antisipe ak lòt mezi nou esplike nan nimewo jodi a.